Volahytta

VOLAHYTTA

Melding vedørande bruene ved Volademninga, Borgavatnet og Nedsta Piksvatn
Bruene vart teke inn 19. oktober.

Melding vedrørande vegen frå Brekkhus til Voladammen
Grunna nedbør er vegen stengd frå i 21. oktober - 23. oktober. Vegen er forventa open att torsdag 24. oktober.

Om Volahytta
Volahytta er ei sjølvbetjeningshytte som er ope heile året. Hytta er plassert fint i austenden av Stora Volavatnet, ved ein vakker foss som renn ut frå Nedsta Piksvatnet/Borgavotni. Hytta og turområdet passar godt for barnefamiliar, spesielt om sommaren og hausten.

Kortaste ruta til Volahytta på sommaren er den T-merka ruta frå parkeringa ved Voladammen. Ruta er berre 1,8 km.

Lokasjon
Hytta ligg på om lag 950 m.o.h , i eit høgfjellsområde mellom Voss i sør, Kvitanosi i nordvest, Vikafjellet i nord og Teigdalen i vest.

Om hytta:
Her finn du ei hovudhytte, ei sikringshytte og utedo med bod.
- Tal på senger: 18 senger
- Tal på senger som er mogleg å førehandsbestilla: 14 senger

Fasiliteter på hyttene:
Hyttene har stove, fullt utstyrt kjøkken, vedomn og soverom med senger.

• Sengene har puter og dyner. Du må ta med eigen lakenpose/sovepose.
• Vatn: Ein finn vatn i elva rett ved sida av hytta.
• Hyttene har fullt utstyrt kjøkken, gass til koking, lys frå solcelleanlegg og vedomnar til oppvarming
• Hyttene har proviant.
• Hund: Det er mogleg å ha hund inne i sikringshytta. Sikringshytta har to hundebur. Ver merksam på at hunden ikkje skal vera inne i hytta av omsyn til til dei som er allergiske.
• Søppel: Me oppmodar alle å ta med seg søppel heim.
• Det er ikkje mobildekning i hyttene, men du finn oppslag på hyttene kvar du finn dekning. (Om lag 150 meter frå hytta)
• Hyttene er ulåst.

Aktivitetar/turforslag/ruter:

Det er mange gode fiskevatn i området og fine turmogelegheiter m.a til Kvitanosi, ein majestetisk fjelltopp på 1433 m.o.h nordvest for hytta. Det storfelte utsynet derifrå gjer at ein tur dit bør prøvast dersom vêret er godt.

- Frå Volahytta til Torvedalshytta (sommarrute)

- Frå Vola til Tvinnestølen (sommarrute)

- Frå Bavallen (Voss) til Volahytta (sommarrute)

- Frå Dyrvedalen til Volahytta

Transport
Om du ikkje har eigen transport er det mogleg å starta turen ved å ta gondolen til Hangurstoppen og starta turen til Volahytta derfrå. Då fylgjer du ruta Bavallen (Voss) til Volahytta.

Naturvern
Det er eit rikt dyreliv i området. Ofte kan ein treffa på reinsdyr, hare og ryper med meir. Merk at villreinen sitt leveområde er under press, og vis ekstra omsyn rundt tida kring kalving, 15. april – 15. juni. Her kan du lesa meir om korleis du kan ta omsyn når du ferdast i et villrein-område.

Medlemskap
Som medlem i DNT får du rabatt på overnatting på 550 DNT hytter, turar og kurs m.m. Bli medlem her. Merk! Born frå 0 -12 år som er medlem får gratis overnatting på dei aller fleste DNT-hyttene.

Denne hytta har fått støtte av overskuddet fra spillemidlene til Norsk Tipping.

Gruppebestillingar
30. juni - 1. juli 2025: 14 pers