Rundtur til Bjellandsnes frå Sunde, Kvinnherad

• Kart: Du finn eit kartblad for området ved å bla i bilda øvst.
• Parkering, start- og sluttpunkt: P-plass der skogsvegen startar ved enden av Vardhaugvegen på Bjelland. Sjå feltet "Adkomst" lenger nede på sida.
• Merking: Informasjonstavle ved start. Skilt, raudmåla merke og merkestikker langs stien.
• Høgdeskilnad: 0 - 50 moh.

.

TUROMTALE

Etter 1 km på skogsveg frå parkeringsplassen går stien til venstre inn i skogen. På Bjellandsneset ligg gravrøysa Storarøyso frå bronsealderen, og heilt ytst er det no sett opp ein fin gapahuk der det eignar seg å ta ein kvilepause.
Vidare går ein framom Krabbahopen i Åskesvikjo, som er ein fin raste- og badeplass, og attende til skogsvegen og parkeringsplassen. Dette er ein idyllisk rundtur i typisk vestnorsk skogsterreng, i nærkontakt med Husnesfjorden.

GODE RÅD

• Alternativ rute i starten: Frå tømmeropplagsplassen ca 200 meter etter P-plassen, kan ein alternativt gå merkt rute til venstre om den gamle husmannsplassen Holo. Legg merke til dei fine murane og tenk på slitet den gongen. Denne ruta kjem attende til hovudruta, sjå Omtale.
• Turen går i fint skogsterreng på skogsveg og sti, men det kan vera vått i enkelte parti.
• I Kvinnherad kommune er det mange turforslag og turmål som er lagt inn på UT.no. Her har du linkar til lister som viser alle:
• Turforslag på merkte stiar i Kvinnherad
• Turmål i Kvinnherad