Tursti til Nautavatnet og dagsturhytta Fagnabu frå Fjellhaugen Skisenter, Kvinnherad

• Turkart: Folgefonna nasjonalpark.
• Parkering, start- og sluttpunkt: Nedre P-plass Fjellhaugen Skisenter.
• Merking: Stien er merkt.
• Høgdeskilnad: 465 - 675 moh.

.

TUROMTALE

Frå parkeringsplassen følgjer du grusveg på venstre sida av elva i søraustleg retning om lag 300 meter. Vidare oppover følgjer ein traséen som er laga for vinterprepping av skiløype. Ettter den første kneiken går ein innover mot Fagnabotn, framleis på venstre sida av elva, men ikkje over brua på flaten. 

Etter at dagsturhytta vart sett opp, har stien opp dit blitt utbetra og er no grei å gå. 

Nautavatnet er eit fint turmål, og hausten 2021 vart det sett opp ei dagsturhytte her: Fagnabu. Dette er eit samarbeid mellom Kvinnherad kommune og Kvinnherad Turlag.

GODE RÅD

• OBS: Om sommaren er det beitedyr i området, hundar må haldast i band. 
• Dersom ein ynskjer å gå lenger, er det mange alternativ. Her er to turforslag med omtale:
• Rundtur til Ingahogg frå Fjellhaugen Skisenter 
• Gå sørover på vestsida av vatnet og ned til Åkrastølen. Til den er det laga turforslag med utgangspunkt i Åkra: Tursti til Åkrastølen frå Åkra 
• I Kvinnherad kommune er det mange turforslag og turmål som er lagt inn på UT.no. På denne linken finn du eit samla oversyn over merkte stiar og turmål i kommunen: Turforslag i Kvinnherad