Kaldavasshytta

Kaldavasshytta

Om hytta

Kaldavasshytta er ei ubetjent hytte som er open heile året. Den ligg 1275 meter over havet i Ulvik herad, eit lite stykke ute på ryggen som skil Kaldavatnet i to. Området er vilt og vakkert høgfjellsterreng, som er relativt lett tilgjengeleg frå Upsete. Dette gjer den eigna også for barnefamiliar.

I tillegg til eit eldre hus med 6 sengeplassar vart det bygd ny hytte i 1987 med 14 sengeplassar, samt eindel ekstra madrasser og rikeleg med ullteppe. Mellom dei to hyttene er uthus med do og propanlager.

Den gamle hytta har eit lite og koseleg opphaldsrom med seng/sofa og matbord, samt soverom med to køysenger. Kokeapparat og ved i inngangsparti, her er også hundebur.

Den nye hytta har eit stort opphaldsrom med nytt kjøkken frå 2010. Den er godt utstyrt med dekketøy. I tillegg til to soverom er det eige bad med utslagsvask og hems med senger og ekstra madrasser, slik at langt fleire kan overnatta. Romsleg gang med vedlager og hundebur. Ekstra ved fins i utvendig bod.

Begge hyttene har vedfyring i opphaldsrom, lys frå solcelleanlegg og propan til matlaging men ikkje proviant.

Hytta er godt eigna som utgangspunkt for flotte turar i røft høgfjellsterreng heile året. Verdt å nemna er både dei flotte vårskiturane til Vassfjøra og haustturane i området mot Vossaskavlen. For skientusiastar kjem vinteren tidleg, og fleire har førjolstur som tradisjon. Ikkje sjelden kan ein sjå spor etter reinsdyr i området, ellers gjev dei store viddene rom for mange turistar, her går ein ikkje i kø. Det er mange vatn i området, fiskekort kan kjøpast på Upsete( sjølvbetjent kasse ved tunellmunning). Hardhausane kan ta eit forfriskande bad.

TILRETTELAGT FOR : Hund

KART: Myrdal 1416 III

Sist oppdatert 21.02.2019

Fasiliteter

  • 12v
  • Kortbetaling
  • Vedovn

Slik kommer du deg dit

Adkomst sommer

1. Upsete - Kaldavasshytta: T-merka veg frå Upsete. Lettaste vegen til hytta. Gangtid ca 2,5 timar. Ver merksam på svært begrensa togstopp ved Upsete stasjon

2. Myrdal - Kaldavasshytta T-merka veg frå Myrdal stasjon. Kraftig stigning. Ca 3 timers gangtid. Dette er kun sumarveg.

3. Hallingskeid - Kaldavasshytta T- merka veg frå Hallingskeid stasjon. Ca. 7 timars gangtid.

Adkomst vinter

1. Upsete - Kaldavasshytta Fylgjer sumarvegen. Vert kvista i god tid før påske.

2. Hallingskeid - Kaldavasshytta. U-merka. Fyljer stort sett sumarvegen. Vær merksam på bratt parti upp mot Vossaskavlen frå austsida

Papirkart

Kartblad: 051 Flåmsdalen - Nærøyfjorden